გლდანის ციხეში პატიმარი გარდაცვლილი იპოვეს. აღნიშნულ ფაქტს ადასტურებს იუსტიციის მინისტრის მოადგილე, თორნიკე ჭეიშვილი.
„სამწუხარო ფაქტი მოხდა, რამდენადაც ჩემთვის ცნობილია, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. სპეციალური საგამოძიებო სამსახური აქტიურ რეჟიმში შესაბამის საგამოძიებო მოქმედებებს ახორციელებს.
დეტალებთან დაკავშირებით ვერ მოგახსენებთ, რამდენადაც ვფლობ ინფორმაციას, გლდანის დაწესებულებაში მოხდა და აქტიური საგამოძიებო მოქმედებები მიმდინარეობს“, – განაცხადა თორნიკე ჭეიშვილმა.
მინისტრის მოადგილის განმარტებით, შემთხვევა დღეს მოხდა.